Sizga baxtiyorlik ulasharman shod

Sizga baxtiyorlik ulasharman shod,
Qalbimda jang borar ayovsiz garchi.
Faqat shafqat qiling, ay qaddi shamshod,
Ulkan orzularim yotar chilparchin.

Anvoyi gullardan qasr qurarman,
Chamanzor, gulzorlar etarman tuhfa.
Sizning tegrangizda soqchi turarman,
Xatto yulduzlar ham qolarlar uxlab.

Garchi hayotimda muzaffarlik yo'q.
Garchi hayatımda zabunlik tanho.
Siz borsiz yonimda, shundan ko'nglim to'q,
Baxt suvin ichirgay bizlarga anhor.

Ketsangiz maysadek qovjirab, o'ldim.
Kelsangiz quyoshdek ketdim charaqlab.
Neki shartlar qo'ying, bariga ko'ndim,
Siz borsiz olamda, manglay yaraqlar.

Sizga baxtiyorlik ulasharman shod